Chhattisgarh: मुख्यमंत्री निवास म पोरा के धूम, सीएम भूपेश बघेल ह दे हे तिहार के बधाई अउ शुभकामना

जय जोहार…. (chhattisgarh) मुख्यमंत्री भूपेश बघेल के रायपुर निवास म आज सरलघा दूसर साल परंपरागत पोरा-तीजा के तिहार ल हर्षोल्लास के संग मनाये गिस।

ए दौरान सीएम बघेल ह अपन पत्नी मुक्तेश्वरी बघेल के संग भगवान शिव, नांदिया बैला अउ चुकियां-पोरा के पूजा-अर्चना कर प्रदेश के सुख-समृद्धि अउ खुशहाली के कामना करिन।

ए दौरान सीएम ह सबो माता अउ बहन मन ल त्योहार के बधाई अउ शुभकामना दे हे। ए मउका म (chhattisgarh) सीएम बघेल ह राम वन गमन पथ म आधारित रथ ल घलो रवाना करिन। ए अवसर म महिला अउ बाल विकास मंत्री अनिला भेंड़िया, गृहमंत्री ताम्रध्वज साहू, संसदीय सचिव रश्मि आशीष सिंह और शकुंतला साहू, राज्य सभा सांसद छाया वर्मा, फूलोदेवी नेताम, विधायक मोहन मरकाम, अनिता योगेन्द्र शर्मा, (chhattisgarh) राज्य महिला आयोग की अध्यक्ष किरणमयी नायक, पूर्व सांसद करूणा शुक्ला समेत जनप्रतिनिधि उपस्थित रहिस। कोविड -19 के प्रकोप ल देखत हुये ए आयोजन म सीमित संख्या म लोगन मन ल आमंत्रित करे गे रहिस।