Chhattisgarh : मोदी के नीति के खिलाफ माकपा के काली ले देशव्यापी अभियान

जय जोहार…. मोदी सरकार के जनविरोधी अउ कार्पोरेट परस्त नीति के खिलाफ अउ कोरोना संकट के दौर म जनता ल राहत दे संबंधी 16 सूत्री मांग ल ले के (chhattisgarh) मार्क्सवादी कम्युनिस्ट पार्टी के देशव्यापी अभियान ह काली ले सुरू होवइया हे।

बयान जारी कर (chhattisgarh) माकपा राज्य सचिव मंडल ह बताइस कि ए सप्ताह व्यापी अभियान म कोरोना प्रोटोकाल अउ फिजिकल डिस्टेंसिंग ल ध्यान म रख के पूरा प्रदेश म अलग-अलग स्तर म धरना अउ प्रदर्शन के आयोजन करे जाही।
उहचे राष्ट्रपति अउ प्रधानमंत्री के नाम ज्ञापन सौंपे जाही। (chhattisgarh) माकपा के ए अभियान अउ आंदोलन ल सीटू, किसान सभा, आदिवासी एकता महासभा, जनवादी महिला समिति, जनवादी नौजवान सभा अउ एसएफआई ह घलो अपन समर्थन दे के घोसना करे हे।