corona: धमतरी जिला म फेर कोरोना के 2 नवा मरीज के होइस पहचान

जय जोहार…. धमतरी जिला म कोरोना (corona) संक्रमित मन के संख्या ह कम होय के नाम नई लेवत हे। जिला के कुरुद क्षेत्र के ग्राम सेमरा भखारा म कोरोना के 2 नवा मरीज मिले हे।

बीएमओ यूएस नवरत्न ह बताइस कि कुरुद क्षेत्र के ग्राम सेमरा भखारा म एक बुजुर्ग ह पूर्व म कोरोना (corona) पाजिटिव पाय गे रिहिस, ओखर प्रायमरी कान्टेक्ट म अवइया 9 लोगन मन के सैंपल ले गे रिहिस।

सबो ल होम आइसोलेट कर के सावधानी बरते ल केहे गे रिहिस। भेजे गे सैंपल के रिपोर्ट ह बुधवार रात के आय हे। जेमा बुजुर्ग के परिवार के दू महिला ह पाजिटिव पाय गे हे।
बीएमओ डॉ नवरत्न ह अपन टीम के संग आज ग्राम सेमरा पहुंच गे हे, जिहां ले दुनो नवा संक्रमित मरीज ल (corona) कोविड अस्पताल धमतरी म भर्ती करे जाही।