dhamtari म पर्यटन केन्द्र, होटल, मोटल अउ रिसार्ट के होही संचालन, कलेक्टर ह ए शर्त के संग दे हे अनुमति

जय जोहार…. धमतरी (dhamtari) जिला म अब पर्यटन केंद्र, होटल, मोटल अउ रिसार्ट के संचालन हो सकही। एखर पहिले कोरोना वायरस ले बचाव बर अवइया 31 अगस्त तक जिला के गंगरेल, नरहरा समेत आन सबो पर्यटन स्थल ल बन्द रखे गे रिहिस।

(dhamtari) कलेक्टर जयप्रकाश मौर्य ह ए आदेश ल निरस्त कर नवा आदेश जारी करे हे। जेखर तहत जिला म संचालित सबो होटल, मोटल अउ पर्यटन केन्द्र के संचालन हो सकही। एखर बर कलेक्टर ह भारत सरकार नईदिल्ली के तरफ ले जारी गाइडलाइन म दे गे निर्देश के पालन करत हुये ओखर सशर्त संचालन के अनुमति दे हे।

जारी आदेश म केहे गे हे कि होटल म होटलकर्मी ह दैनिक कार्य ल करत समय मास्क, दास्ताना अउ सेनिटाइजर के उपयोग करही। (dhamtari) आपातकालीन टेलीफोन नंबर अउ उचित स्थान म जागरूकता के पोस्टर ल चस्पा करे जाये।

कोरोना वायरस के वर्तमान स्थिति के बारे म मेहमान मन ल अवगत कराही।
आदेश में केहे गे हे कि अनावश्यक कमरा ले बाहर नई निकले ल अउ बाहर जाय म आवश्यक सुरक्षा उपाय के संग ही बाहर निकले। उहचे कोनो दूरस के संग एक बालकनी साझा करे जावत हे, त अपन कमरा के किनारे म रहे के हिदायत दे गे हे।