corona: धमतरी जिले के कुरुद ब्लाक म फेर मिलिस कोरोना के 2 नवा मरीज, बीएमओ ह करिन पुष्टि

जय जोहार…. धमतरी जिले के कुरुद ब्लाक म आज कोरोना (corona) के 2 नवा मरीज मिले हे। एमा ले कुरुद अऊ ग्राम दर्री ले 1-1 मरीज शामिल हे। एखर पुष्टि ल बीएमओ डॉ नवरत्न ह करे हे।

ए संबंध म बीएमओ डॉ नवरत्न ह बताइस कि आज जेन नगर पंचायत के बाबू ह कोरोना (corona) पाजिटिव पाय गे हे, ओ हा नगर पंचायत मगरलोड म काम करत हे, लेकिन रहवइया कुरुद के हे अऊ कुरुद ले आत-जात हे। उहचे दूसर संक्रमित ह ग्राम दर्रीपार म मिले हे, जेन ह 15 साल के लड़की हे।

बीएमओ डॉ नवरत्न ह बताइस कि मंगलवार के कुरुद ब्लाक ले कोरोना (corona) के 11 संक्रमित मरीज ह मिले रहिस, जेमा ले बंजारी ले 3, कुरुद ले 2, भेंड्रा, सिंगदेही, भखारा, मुल्ले, मरौद अऊ कोटगांव ले 1-1 मरीज शामिल रहिस।