chhattisgarh: अन्तर्राज्यीय अऊ अखिल भारतीय पर्यटक परमिट वाला वाहन के होही संचालन, सरकार ह दे हे अनुमति

जय जोहार…. (chhattisgarh) सीएम भूपेश बघेल ह आम जनता के आवश्यकता ल देखत हुये एक राज्य ले दूसर राज्य अऊ अखिल भारतीय पर्यटक परमिट वाला यात्री वाहन के संचालन के अनुमति दे हे।

सीएम के निर्देश म आज प्रदेश के परिवहन आयुक्त ए ए बस के संचालन के अनुमति दे के संबंध म आदेश जारी कर दे हे। यात्री बस के परिचालन बर परिवहन आयुक्त के तरफ ले जारी गाइडलाइन के पालन करना जरूरी हे।

जारी गाइडलाइन के मुताबिक (chhattisgarh) यात्री वाहन ल जारी अनुज्ञापत्र के सबो शर्त के पालन करना अनिवार्य होही। केवल निर्धारित स्टापेज म ही वाहन ल रोका जा सकही। यात्रा के दौरान बस के चालक, परिचालक अउ सबो यात्री मन ल अनिवार्य चेहरे म मास्क लगाना होही।

(chhattisgarh) परिचालक के तरफ ले यात्री मन के बस म चढ़ते, बइठते अऊ उतरत समय सोशल डिस्टेंसिंग के पालन ल सुनिश्चित करे जाही। बस संचालक ह नियमित अंतराल म वाहन ल सेनेटाइज कराही। बस के सेनेटाइजेशन बर सोडियम हाईपोक्लोराईट के जइसे रसायन के छिड़काव करे जा सकत हे। वहान चालक अऊ परिचालक ल कोविड 19 के संक्रमण ले बचाव बर सबो सुरक्षा मानक के पालन करना अनिवार्य हे।