corona: बलौदाबाजार जिला म 12 नवा मरीज के होइस पहचान, 7 लोगन मन ह जीतिस कोरोना ले जंग

जय जोहार…. बलौदाबाजार-भाटापारा जिला म कोरोना (corona) संक्रमित मन के संख्या ह कम होय के नाम नई लेवत हे। ए जिला म आज फेर कोरोना के 12 नवा मरीज मिले हे। उहचे आज सात मरीज मन ह कोरोना ल मात दे दे हे, जेखर बाद ओ मन ल डिस्चार्ज कर दे गे हे।
मुख्य चिकित्सा अधिकारी डॉ खेमराज सोनवानी ह बताइस कि आज जेन कोरोना (corona) के 12 नवा मरीज मिले हे, एखर पुष्टि ल स्वास्थ्य विभाग ह करे हे। एमा कसडोल विकासखण्ड ले 10, पलारी अऊ बिलाईगढ़ विकासखंड ले 1-1 मरीज मिले हे।
बता दें कि बलौदाबाजार जिला म कोरोना (corona) संक्रमित मन के कुल संख्या ह बाढ़ के 690 हो गे हे। जेमा ले 158 एक्टिव मामला हे। उहचे 529 मरीज मन ह बने होय के बाद अपन घर लहुट चुके हे।