Assembly monsoon session: सरकार ल साल भर म दारू ब्रिकी ले 6831 करोड़ ले जादा के होइस कमाई, कांग्रेस विधायक के सवाल म आबकारी मंत्री ह दे हे जवाब
जय जोहार…. विधानसभा के मानसून सत्र (Assembly monsoon session) के तीसर दिन गुरुवार के प्रश्नकाल म कांग्रेस विधायक संतराम नेताम ह शराब बिक्री ले प्राप्त लाभ ल ले के सवाल पूछिस,
जेखर जवाब म आबकारी मंत्री कवासी लखमा ह बताइस कि साल 2019 ले जून 2020 तक शासन ल शराब के विक्रय ले 6831 करोड़ 71 लाख 79 हजार 62 रूपिया के राजस्व प्राप्त होय हे।
सत्तापक्ष कांग्रेस के विधायक संतराम नेताम ह सवाल पूछिस कि प्रदेश म कतना देशी अऊ विदेशी शराब के दुकान ह संचालित हे। (Assembly monsoon session) ए म आबकारी मंत्री लखमा ह बताइस कि प्रदेश म वर्तमान म 337 देशी अउ 321 विदेश शराब दुकान ह संचालित हे। एखर आलावा आबकारी मंत्री लखमा ह शराब दुकान म विदेशी मदिरा पूर्ति बर खरीदी के देशी अउ विदेशी कंपनी के जानकारी घलो उपलब्ध करइस।
(Assembly monsoon session) आबकारी मंत्री लखमा ह बताइस कि दू करोड़ 17 लाख 85 हजार प्रूफ लीटर देशी मदिरा के खरीदी करे गिस। जबकि विदेशी मदिरा स्प्रिट के खरीदी एक करोड़ 59 लाख 10 हजार 529 प्रूफ लीटर करे गिस। विदेशी मदिरा माल्ट के 84 लाख 47 हजार 89 लीटर खरीदी करे गिस।
