Corona: बलौदाबाजार म मिलिस कोरोना के 36 नवा मरीज, 8 मरीज मन ह जीतिस कोरोना ले जंग

जय जोहार…. बलौदाबाजार जिला म कोरोना (Corona) संक्रमण के मामला ह कम होय के नाम नई लेवत हे। आज जिला में कोरोना के 36 नवा मरीज मिले हे।

उहचे आठ मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान एक मरीज के मौत हो गे हे।

जिला के मुख्य चिकित्सा अऊ स्वास्थ्य अधिकारी डॉ खेमराज सोनवानी ह बताइस कि जिला म आज कोरोना (Corona) के 36 नवा मरीज मिले हे, ओमा भाटापारा शहर ले 16, बलौदाबाजार विकासखंड ले 9, कसडोल विकासखंड ले 3, पलारी विकासखंड ले 3 अऊ बिलाईगढ़ विकासखंड ले 1 मरीज शामिल हे।

बता दन कि बलौदाबाजार जिला म कोरोना (Corona) संक्रमित मरीज मन के संख्या ह बाढ़ के 961 पहुंच गे हे। जेमा ले 312 एक्टिव मामला हे, जेखर मन के कोविड अस्पताल अऊ कोविड सेन्टर म इलाज चलत हे। उहचे 644 मरीज मन ल बने होय के बाद अस्पताल ले छुट्‌टी दे दे गे हे।