डॉ.सिंहदेव के योगदान ल हमेशा याद रखे जाही : डॉ. रमन सिंह

रायपुर। छत्तीसगढ़ के मुख्यमंत्री डॉ. रमन सिंह ह राज्य के पूरव वित्त मंत्री डॉ. रामचन्द्र सिंहदेव के निधन म गहरा दुःख व्यक्त करिन हे। उमन ह आज बिहनिया जारी शोक संदेस म कहिन के डॉ .सिंहदेव अपन सुदीरघ सारवजनिक जीवन म सक्रिय सबो लोगन बर सादगी अउ शुचिता के प्रतीक अउ प्रेरणास्रोत रहिन हे। उमन एक सजग अउ करमठ जनप्रतिनिधि के रूप म पचास बछर ले घलो जादा बेरा तक जनता ल अपन मूल्यवान सेवा दीस । मुख्यमंत्री ह कहिन के तत्कालीन अविभाजित मध्यप्रदेस सरकार के विभिन्न विभाग मन के मंत्री अउ नवगठित छत्तीसगढ़ प्रदेश के प्रथम वित्त मंत्री के रूप म आम जनता के बेहतरी बर डॉ.सिंहदेव के योगदान ल हमेसा याद रखे जाही ।
मुख्यमंत्री ह कहिन के स्वर्गीय डॉ. सिंहदेव एक विद्वान अर्थशास्त्री अउ चिंतक रहिन हे । परयावरन अउ जल संसाधन जइसे बिसय मन म घलो उंखर गहरा पकड़ अउ विशसेसज्ञता रहिस । डॉ. रमनसिंह ह स्वर्गीय डॉ. सिंहदेव के संग अपन कइ बछर के पुराना आत्मीय सम्बन्ध मन ल याद करत हुए कहिन के मोला घलो हमेसा उंखर आसीरवाद अउ मारगदरसन मिलत रहिस हे । छत्तीसगढ़ राज्य के विकास ले जुड़े विभिन्न बिसय मन ल लेके बेरा- बेरा म उंखर ले मोर बातचीत होवत रहिस हे । उंखर निधन ले हम सब मन के एक वरिस्ठ राजनेता,कुसल प्रसासक अउ लोक हितैसी चिन्तक ल हमेसा बर ए खो देन । मुख्यमंत्री ह उमन ल विनम्र श्रद्धांजलि अरपित करिन अउर उंखर परिजन मन के प्रति संवेदना प्रकट करिन हे ।