Chhattisgarh: कोरोना संक्रमण ले रोकथाम अऊ बचाव बर 5 करोड़ रूपिया के सहायता राशि हो गे जारी, ए जिला ल मिलिस राशि, पढो पूरा खबर
जय जोहार…. (Chhattisgarh) मुख्यमंत्री भूपेश बघेल के निर्देश म कोरोना वायरस संक्रमण के रोकथाम अऊ बचाव कार्य म तेजी लाय बर पांच जिला के कलेक्टर मन ल पांच करोड़ रूपिया के अतिरिक्त राशि ल मुख्यमंत्री सहायता कोष ले जारी करे गे हे।
मुख्यमंत्री सचिवालय ले मिले जानकारी के मुताबिक कोरोना वायरस संक्रमण के रोकथाम अऊ बचाव बर (Chhattisgarh) मुख्यमंत्री राहत कोष ले कलेक्टर रायपुर ल दू करोड़ रूपिया के राशि जारी करे गे हे।
(Chhattisgarh) अइसने दुर्ग अऊ बिलासपुर जिला के कलेक्टर मन ल एक-एक करोड़ रूपिया, राजनांदगांव अऊ रायगढ़ कलेक्टर मन ल 50-50 लाख रूपिया के राशि जारी करे गे हे।
गौरतलब हे कि ए पांच जिला म कोरेना संक्रमण के बाढ़ते मामला ल देखत हुये सीएम के विशेय पहल म ए राशि जारी करे गे हे। जेखर ले ए जिला म संक्रमण के रोकथाम अऊ बचाव के कार्य म तेजी लाय जा सके।