corona: संसदीय सचिव गुरुदयाल सिंह बंजारे पाय गे हे कोरोना पाजिटिव, परिवार के सदस्य मन घलो संक्रमित

जय जोहार…. नवागढ़ विधायक अऊ संसदीय सचिव गुरुदयाल सिंह बंजारे कोरोना (corona) पाजिटिव पाय गे हे। बंजारे के संघ ओखर स्टाफ के 7 सदस्य मन के रिपोर्ट घलो पाजिटिव आय हे। एखर संग बंजारे के परिवार के 11 सदस्य मन ह घलो पाजिटिव मिले हे। ए रिपोर्ट आय के बाद सबो लोगन मन ह होम आइसोलेट हो गे हे।

बता दन कि गत दिनों विधायक गुरुदयाल सिंह बंजारे के पीएसओ अऊ वाहन चालक ह कोरोना (corona) संक्रमित मिले रहिस, लेकिन संसदीय सचिव अऊ बाकी स्टॉफ के रिपोर्ट ह निगेटिव आय रहिस। सुरक्षा के सती ओ हा पांच दिन बर होम क्वारंटीन होय रहिस। संसदीय सचिव ह सोशल मीडिया के माध्यम ले जानकारी दे रहिस, लेकिन अब ओखर रिपोर्ट ह पाजिटिव आय हे, संगेसंग परिवार के सदस्य मन घलो कोरोना पाजिटिव पाय गे हे।

एखर पहिले बिंद्रानवागढ़ विधायक डमरूधर पुजारी, बिलासपुर विधायक शैलेष पांडेय, बेमेतरा विधायक आशीष छाबड़ा कोरोना (corona) पाजिटिव हो चुके हे। एखर संगेसंग सरायपाली विधायक किश्मतलाल नंद, महासमुंद विधायक विनोद सेवनलाल चंद्राकर अऊ विधायक अनिता योगेंद्र शर्मा कोरोना संक्रमित हो चुके हे।