dhamtari के रावां दारू दुकान म 14 लाख रुपया के हो गे लूट, चार नकाबपोश बदमाश मन ह दिस घटना ला अंजाम

जय जोहार…. धमतरी (dhamtari) जिला म लूट के एक बड़का घटना सामने आए हे। बीते रात देशी दारू दुकान म करीब 14 लाख रूपया के लूट हो गे हे। ए घटना ल चार नकाबपोश बदमाश मन ह अंजाम दे हे।

घटना ह अर्जुनी थाना क्षेत्र के रावां दारू दुकान म होए हे। घटना क बाद मऊके म बीपी राजभानु, अतिरिक्त पुलिस अधीक्षक मनीषा ठाकुर, टीआई उमेंद्र टंडन, आबकारी उपनिरीक्षक वैभव मित्तल ह स्टाफ के संग पहुंच गे हे।

बतावत जावत हे कि (dhamtari) सनिच्चर अऊ इतवार के बैंक बंद होए के सती बिक्री के राशि ल भट्ठी म रखे गे रहिस। जेखर खबर बदमाश मन ल मिल गिस अऊ ए वारदात ल अंजाम दे हे।

(dhamtari) एएसपी मनीषा ठाकुर ह बताइस कि वारदात म चार लोगन मन के सामिल होए के आशंका हे। चोर देर रात करीब दू बजे मोटरसाइकिल ले पहुंचे रहिस। दारू दुकान के सुरक्षा म मौजूद गार्ड के संग मारपीट कर के चेस्ट ल ले गीस, जेमा 14 लाख रूपिया रहिस। जावत-जावत उहां के गार्ड ल बंधक बना दीस। गार्ड ह अर्जुनी थाना ल वारदात के सूचना दीस, एखर बाद पुलिस ह घटनास्थल म पहुंचीस।