Corona: छत्तीसगढ़ म मिले हे कोरोना के 2228 नवा मरीज, राजधानी म घलो 621 पाजिटिव

जय जोहार…. प्रदेश म कोरोना (corona) संक्रमित मन के संख्या ह कम होय के नाम नई लेवत हे। आज प्रदेश म कोरोना के 2228 नवा मामला दर्ज करे गे हे। जबकि 16 मरीज मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 621, बिलासपुर ले 309, राजनांदगांव ले 253, रायगढ़ ले 150, बलौदाबाजार ले 108, दुर्ग ले 79, कोरबा ले 76, जांजगीर ले 64, बालोद ले 60, मुंगेली ले 59, महासमुंद ले 57, सूरजपुर ले 52, दंतेवाड़ा ले 43, बेमेतरा अऊ गरियाबंद ले 36-36, कांकेर ले 32, कोरिया ले 31, धमतरी ले 29, कोंडागांव ले 27, सरगुजा ले 24, बलरामपुर ले 20, गौरेला-पेंड्रा-मरवाही ले 18, जशपुर ले 13, बस्तर ले 12, सुकमा ले 6, कबीरधाम ले 2 मरीज सामिल हे।

बता दन कि प्रदेश म कोरोना (corona) संक्रमित मन के संख्या ह बाढ़ के 63991 पहुंच गे हे। जेमा ले 31505 एक्टिव मामला हे। उहचे 31931 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।