chhattisgarh: सीएम ह गौरेला-पेंड्रा-मरवाही जिला म 332 करोड़ रुपया के 208 विकास कार्य के करिन लोकार्पण अऊ भूमिपूजन

जय जोहार…. (chhattisgarh) सीएम भूपेश बघेल ह गौरेला-पेंड्रा-मरवाही जिला ल 332 करोड़ 64 लाख रूपया के 208 अलग-अलग विकास कार्य के सौगात दे हे। एमा 84 करोड़ 10 लाख रुपया के 29 कार्य के लोकार्पण अऊ 248 करोड़ 78 लाख रुपया के 179 कार्य के भूमिपूजन शामिल हे।

(chhattisgarh) सीएम बघेल ह रायपुर के अपन निवास कार्यालय ले दोपहर 12 बजे वीडियो कांफ्रेसिंग ले लोकार्पण अऊ भूमिपूजन करिन। ए कार्यक्रम के अध्यक्षता विधानसभा अध्यक्ष डॉ. चरणदास महंत ह करिन।

उहचे गौरेला-पेंड्रा-मरवाही जिला के साधु हॉल, गौरेला म आयोजित समारोह म नवगठित जिला के प्रभारी मंत्री अऊ (chhattisgarh) राजस्व मंत्री जयसिंह अग्रवाल ह विशेष अतिथि के रूप म शामिल होईस।

एखर आलावा समारोह म गृहमंत्री ताम्रध्वज साहू, स्वास्थ्य मंत्री टीएस सिंहदेव, कृषि मंत्री रविन्द्र चौबे, वन मंत्री मोहम्मद अकबर, स्कूल शिक्षा मंत्री डॉ. प्रेमसाय सिंह टेकाम, उद्योग मंत्री कवासी लखमा समेत आन मंत्री, सांसद ज्योत्सना चरणदास महंत अऊ जिला पंचायत बिलासपुर के अध्यक्ष अरूण चौहान घलो शामिल होईस।