जय जोहार…. छत्तीसगढ़ (Chhattisgarh) राज्य निर्वाचन आयोग ह प्रदेश के 10 नगरीय निकाय के आम निर्वाचन अऊ नगर पंचायत मगरलोड के वार्ड क्रमांक 11 म उप निर्वाचन बर निर्वाचक नामावली तैयार करे जाय के कार्यक्रम ल अवइया आदेश तक बर स्थगित कर दे हे।
राज्य निर्वाचन आयोग के तरफ ले निर्वाचक नामावली तैयार करे जाय के कार्यक्रम म बीते 21 जुलाई के जारी करे गे रहिस। जेखर तहत 9 सितम्बर के निर्वाचक नामावली के प्रारंभिक प्रकाशन कर 18 सितम्बर तक दावा आपत्ति प्राप्त करना रहिस।
(Chhattisgarh) छत्तीसगढ़ राज्य निर्वाचन आयुक्त ठाकुर राम सिंह ह बताइस कि राज्य म कोरोना के संक्रमण अऊ संबंधित निकाय के अमला ल कोरोना पाजिटिव पाय जाय के बाद कलेक्टर मन के अनुरोध म राज्य निवार्चन आयोग ह निर्वाचन नामावली कार्यक्रम ल अवइया आदेश तक बर स्थगित कर दे हे।
(Chhattisgarh) वो हा बताइस कि राज्य के 8 जिला दुर्ग, बेमेतरा, रायपुर, कोरिया, सुकमा, बीजापुर, कांकेर अऊ सूरजपुर के कुल 10 निकाय म आम निर्वाचन कराय जाना हे। जेमा नगर पालिक निगम भिलाई, रिसाली अऊ बीरगांव, नगर पालिका शिवपुरचरचा, नगर पंचायत मारो, कोंटा, भैरमगढ़, भोपालपट्टनम, नरहरपुर अउ प्रेमनगर शामिल हे। धमतरी जिला के नगर पंचायत मगरलोड के वार्ड क्रमांक 11 म पार्षद पद पर उपचुनाव होना हे। दुर्ग जिला ल छोड़ के उक्त सबो जिला म निर्वाचक नामावली के प्रारंभिक प्रकाशन करे गे रहिस।
No Comment! Be the first one.