corona: देश म बीते 24 घंटा म मिले हे कोरोना के 86 हजार ले जादा नवा मामला, 1130 लोगन मन के हो गे मौत

जय जोहार…. देश म कोरोना (corona) संक्रमित मन के संख्या ह कम होय के नाम नई लेवत हे। देश म बीते 24 घंटा म 86 हजार ले जादा नवा मामला ह सामने आय हे। उहचे 1130 लोगन मन के मौत हो गे हे।
केन्द्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 86961 नवा मामला मिले हे। एला मिला के कोरोना संक्रमण के कुल मामला ह बाढ़ के 54 लाख 87 हजार 581 पहुंच गे हे। जेमा ले 10 लाख 03 हजार 299 एक्टिव मामला हे।
उहचे 43 लाख 96 हजार 399 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 87882 लोगन मन के मौत हो गे हे।