Raipur: ओपन स्कूल के हाईस्कूल अऊ हायर सेकेण्डरी के परीक्षा परिणाम हो गे घोसित, पढो पूरा खबर

जय जोहार…. (Raipur) छत्तीसगढ़ राज्य ओपन स्कूल के तरफ ले आयोजित हाईस्कूल अऊ हायर सेकेण्डरी सर्टिफिकेट मुख्य परीक्षा 2020 के नतीजे घोसित कर दे गे हे।

हाईस्कूल के परीक्षा म 88.97 प्रतिशत परीक्षार्थी ह सफल होय हे। जबकि हायर सेकेण्डरी परीक्षा म 92.26 परीक्षार्थी मन ह पास होय हे।

छत्तीसगढ़ राज्य ओपन स्कूल ले प्राप्त जानकारी के अनुसार (Raipur) हाईस्कूल के परीक्षा म 65879 परीक्षार्थी ह शामिल होय रिहिन, जेमा ले 31983 प्रथम श्रेणी, 20314 द्वितीय श्रेणी अऊ 6253 परीक्षार्थी ह तृतीय श्रेणी म परीक्षा उत्तीर्ण करे हे।

(Raipur) अइसने हायर सेकेण्डरी परीक्षा म 69561 परीक्षार्थी मन ह शामिल होय हे, जेमा ले 57325 परीक्षार्थी ह सफल रिहिन। ए परीक्षा म 29322 परीक्षार्थी ह प्रथम श्रेणी, 21071 परीक्षार्थी ह द्वितीय श्रेणी अऊ 6874 परीक्षार्थी मन ह तृतीय श्रेणी म परीक्षा उत्तीर्ण करे हे।