congress: भारतीय जनता पार्टी किसान हितैषी होए के करत हे ढोंग: मोहन मरकाम
जय जोहार…. प्रदेश कांग्रेस (congress) अध्यक्ष मोहन मरकाम ह कहिन कि केवल चंद पूंजीपति, जमाखोर अऊ दलाल मन ल संरक्षण देवइया भाजपा किसान हितैषी होए के ढोंग करत हे। देश म अधिनायक वादी रवैया ल अपना के रविवार के किसान विरोधी काला कानून ल पास करे गिस।
सदस्य मन के मांग के बावजूद मत विभाजन बिना ध्वनि मत ले विधेयक ल पारित करे जाय ले घलो बड़ अकन प्रश्नचिन्ह खड़े हो गे हे। वो हा कहिन कि महामारी के आपदा के समय राज्य सरकार, किसान संगठन अऊ सदन म चर्चा के बिना अईसे काला कानून ल काबर थोपे जावत हे।
प्रदेश कांग्रेस (congress) अध्यक्ष मोहन मरकाम ह कहिन कि कृषि उपज मंडी म खरीदी के व्यवस्था ल नष्ट करे के निर्णय किसान विरोधी होय के संग ही संविधान के सातवीं अनुसूची के तहत राज्य के अधिकार के अतिक्रमण घलो हे।
प्रदेश कांग्रेस (congress) अध्यक्ष मोहन मरकाम ह कहिन कि आवश्यक वस्तु अधिनियम 1955 (क) के तहत स्टाक लिमिट ल खत्म करे के निर्णय न केवल किसान विरोधी हे बलकी आम उपभोक्ता मन के शोषण बर जमाखोर ल संरक्षण दे के कुत्सित प्रयास हे। धान, गेहूं, तेल, आलू, प्याज जइसे वस्तु ल आवश्यक वस्तु के सूची ले बाहर करना मोदी सरकार के किसान अऊ उपभोक्ता विरोधी नीति ल प्रमाणित करत हे।
