dhamtari जिला म कोरोना ले डॉक्टर के हो गे निधन, अस्पताल म चलत रिहिस उपचार

जय जोहार…. कोरोना संक्रमण ले धमतरी (dhamtari) शहर के चिकित्सक अऊ ओजस्वी नर्सिंग होम के संचालक डॉ आरएस ठाकुर के निधन हो गे। कोरेना संक्रमित पाय जाय के बाद ओला रायपुर के एक अस्पताल म भर्ती कराय गे रिहिन, जिहां आज बिहनिया ओखर निधन हो गे। ओखर निधन ले धमतरी स्वास्थ्य क्षेत्र म शोक के लहर छा गे हे।

बता दन कि डॉ. आरएस ठाकुर ह मसीही हास्पिटल धमतरी (dhamtari) ले अपन चिकित्सकीय कार्य के शुरुआत करे रिहिन। डॉ ठाकुर ह 42 साल तक डॉक्टर के रूप म लोगन मन ल सेवा देवत रिहिन। उहचे डॉक्टर के रूप म भानुप्रतापपुर, कांकेर अऊ धमतरी म घलो अपन सेवा दे चुके हे।

उहचे साल 2003 म (dhamtari) स्वयं के प्रायवेट नर्सिंग होम ओजस्वी के नाम ले सुरू करिन। 6 सितंबर के कोरोना पाजिटिव पाय जाय के बाद ओला उपचार बर रायपुर के अस्पताल म भर्ती कराय गे रिहिन। जिहां इलाज के दौरान आज बिहनिया ओखर निधन हो गे।