corona: प्रदेश म पिछिले 24 घंटा म मिले हे 2942 नवा मामला, राजधानी म घलो 580 पाजिटिव

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म पिछिले 24 घंटा म कोरोना के 2942 नवा मरीज के पहचान होय हे। उहचे 710 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 11 लोगन मन के मौत हो गे हे।

प्रदेश म जेन (corona) नवा मरीज मिले हे, ओमा रायपुर ले 580, दुर्ग ले 396, बिलासपुर ले 218, रायगढ़ ले 213, राजनांदगांव ले 167, जांजगीर ले 156, बस्तर ले 104, दंतेवाड़ा ले 133, बेमेतरा ले 82, बालोद ले 62, धमतरी ले 81, बलौदाबाजार ले 64, महासमुंद ले 52, गरियाबंद ले 79, कोरबा ले 64, मुंगेली ले 47, कांकेर ले 63, बीजापुर ले 56, कोंडागांव ले 61, सरगुजा ले 56, सुकमा ले 37, कोरिया ले 26, सूरजपुर ले 30, नारायणपुर ले 22, जशपुर ले 29 मरीज शामिल हे।

बता दन कि प्रदेश म कोरोना (corona) संक्रमित मरीज मन के संख्या ह बाढ़ के 98565 पहुंच गे हे, जेमा ले 30928 एक्टिव मामला हे। उहचे ए वायरस ले प्रदेश म अब तक 777 लोगन मन के मौत हो गे हे।