Chhattisgarh: कृषि कानून के विरोध म काली सीएम भूपेश बघेल करही पैदल मार्च, राष्ट्रपति के नाम राज्यपाल ल सौंपही ज्ञापन

जय जोहार…. कृषि कानून के विरोध म (Chhattisgarh) मुख्यमंत्री भूपेश बघेल ह काली बिहनिया 11 बजे राजीव भवन ले लेके राज्यपाल निवास तक पैदल मार्च करही।

एखर बाद राष्ट्रपति के नाम राज्यपाल अनुसुईया उइके ल ज्ञापन सौंपही। ए विरोध प्रदर्शन के दौरान प्रदेश कांग्रेस अध्यक्ष मोहन मरकाम समेत कांग्रेस के पदाधिकारी अऊ कार्यकर्ता मन मौजूद रही।

(Chhattisgarh) कांग्रेस ह कहिन कि केन्द्र के भाजपा सरकार ह लोकसभा अऊ राज्यसभा म मनमाना ढंग ले बिना चर्चा अऊ पूर्व परामर्श के अईसे बिल पास कर ले हे। जेखर दुष्परिणाम सीधा किसान अऊ आम उपभोक्ता मन म पड़इया हे।

(Chhattisgarh) बता दन कि केंद्र सरकार के तरफ ले पास करे गे कृषि कानून के देश भर म विरोध होवत हे। खासकर किसान अऊ कांग्रेस ह एखर विरोध जतावत हे। कई प्रदेश म किसान मन ह सड़क म हे। उहचे ए कानून ल कांग्रेस ह काला कानून अऊ किसान विरोधी बतावत हे।