Chhallywood: शार्ट फ़िल्म चीख म अभिनय करना मोर बर गर्व के बात हे, शूटिंग करत समय सहम गे रिहिस ये अभिनेत्री
जय जोहार…. (Chhallywood) चीख नाम के शार्ट फिलिम जब ले यु टियूब म रिलीज होय हे तब ले ओखर अभिनेत्री प्रतिभा चौहान ल बधाई भरे सैकड़ो फोन आवत हे,
दरअसल Cheekh एक अईसे लड़की के कहानी हे जेन ह वो लड़का ले धोखा खाथे जेखर ले वो ह मया करथे, वो लड़का धोखा ले अपन दोस्त मन संग मिल के लड़की संग सामूहिक दुष्कर्म ल अंजाम देथे,
ये फिलिम म अभिनेत्री प्रतिभा ह बने अभिनय करे हे अऊ जब ले ये ह रिलीज होए हे तब ले बधाई भरे संदेश ओला मिलत हे,(Chhallywood)
बता दन कि ये शार्ट फिलिम Cheekh म अभिनय करके अभिनेत्री प्रतिभा ल गर्व हे, वो ह किहिस कि गैंगरेप के शूटिंग के समय वो ह सहम गे रिहिस लेकिन निर्देशक उर्वशी साहू ह ओला सम्हालीस अऊ ओखर उत्साह वर्धन करिस,
(Chhallywood) चीख म प्रतिभा के अपोजिट यश साहू ह अभिनय करे हे , बता दन कि चीख के शूटिंग अऊ एडिटिंग जाने माने कैमरामैन लक्ष्मण यादव ह करे हे।
