विनियामक आयोग म चेयरमैन पद बर दो मिश्रा टकरात हे

जय जोहार । आईएएस नारायण सिंह विद्युत विनियामक आयोग के चेयरमैन पद ले पांच साल के कारयकाल के बाद 13 जुलाई के रिटायर होगे। उमन के बाद ये कुरसी ल पाय बर दू झन मिश्रा म जोर आजमाइस चलत हे। वइसे मुकाबला बराबरी के हे। अब देखना ये हे के पलड़ा केता बर बइठथे।
रिटायर आईएएस डीएस मिश्रा अउ गणेश शंकर मिश्रा ल विनियामक आयोग म चेयरमैन पद बर प्रबल दावेदार बताय जात हे। दूनों बर सत्ता के गलियारा मन म तगड़ा लाबिंग चलत हे। एक लॉबी चाहत हे के डीएस मिश्रा ल ये पद म बिठा दिये जाय त दूसर चाहत हे के जीएस के ताजपोसी हो जाय।
आयोग के चेयरमैन चीफ सेक्ट्ररी रैंक के पद हे। रिटायर चीफ सेक्ट्ररी एसके मिश्रा येखर पहिली अध्यक्छ बनाय जा चुके है। उंखर बाद नारायण सिंह धलो येकरे समकक्छ रहिन। यदि रैंक के बात करन त डीएस मिश्रा के पलड़ा भारी दिखत हे। मिश्रा 82 बैच के आईएएस रहे हे । उमन फिलहाल सहकारिता आयोग के चेयरमैन हे। लेकिन मुख्यमंत्री ले निकटता गणेशशंकर मिश्रा के हे। ये नवा आयोग हे, येखर सेती इंहा बइठे बर दस बाई 12 के कमरा अउ दो-चार कुरसी के अलावा कुथु घलो नइए, जे कोनो नौकरसाह ल अट्रैक्ट करय।
येती डीएस के राह म दिक्कत येखर सेती हे के रिटायरमेंट के साल भर ले उमन खाली बइठ गे हे। डेढ़ साल बाद उंखर ताजपोशी होही। हो सकता हे, ओ बेरा के विघ्न बाधा मन अब कमजोर हो गिस हे, मगर सरकार ये त सोचेही के एक आदमी ल दू-दो बार कइसे उपकृत करे जाय। हालांकि उंखर बर जोर ले ताकत लगाय जात हे।
दूसर कैंडीडेट जीएस मिश्रा प्रमुख सचिव ले रिटायर होय हे। रैंक म जरूर उणन नीचे हे। लेकिन, माटी पुत्र होय के लाभ उमन ल जरूर मिलही। सरकार ले उंखर नजदीकी घलो छिपे नइए। उमन हमेसा अच्छा पद मन म रहे हे। सीएम के घर कवर्धा म अरसा ले एसडीएम अउ निरवाचन क्षेत्र राजनांदगांव के कलेक्टर घलो रहे हे। रिटायरमेंट के बाद ले पोस्टिंग के इंतजार करत हवय जीएस के घलो ये पद म मजबूत दावा हे।
दू दिन पहिली दे गिस बिदाई
78 बैच के आईएएस नारायण सिंह विद्युत विनियामक आयोग के चेयरमैन पद ले पांच साल के कारयकाल के बाद 13 जुलाई के रिटायर हो गे। उंखर सेवानिवृत्ति 15 जुलाई के समाप्त होवइया रहिन हे, लेकिन, 14 – 15 के छुट्टी होय के कारन दू दिन पहिली उमन ल आयोग ले रुखसत होना पड़िस। राज्य सरकार ह मनोज डे के रिटायर होय म जुलाई 2013 म नारायण ल इस रेगुलेटरी कमीशन के चेयरमैन बनायगे रहिस हे। येखर बर रिटायरमेंट ले कुछु महीना पहिली ही नारायण ह भारतीय प्रसासनिक सेवा ले वीआरएस ले लेय रहिस हे। 78 बैच के आईएएस रहिन हे। अउ 79 बैच के सुनील कुमार ल जब 2012 म चीफ सेक्ट्ररी बनाय गिस त उंखर क्षतिपूरती के तउर म नारायण सिंह ल आयोग के चेयरमैन के पद देय गे रहिसे हे।