Income Tax रिटर्न भरे के आखिरी तारिख ह फेर बाढ़ीस, अब ए तारिख तक भर सकत हे रिटर्न
जय जोहार…. कोरोना काल म इनकम टैक्स (Income Tax) रिटर्न भरे के आखिरी तारिख फेर बाढ़ गे हे। केन्द्रीय प्रत्यक्ष कर बोर्ड ले मिले जानकारी के मुताबिक अब आम नागरिक ह, जे मन ल अपन रिटर्न के संग आडिट रिपोर्ट नई लगाय ल पड़त रिहिन, ओ हा साल 2019-20 बर अपन रिटर्न 31 दिसंबर तक दायर कर सकत हे। पहिले एखर बर आखिरी तारिख 30 नवंबर तय करे गे रिहिन।
केन्द्रीय वित्त मंत्रालय ले जानकारी के मुताबिक (Income Tax) अब करदाता जेखर रिटर्न म आडिट रिपोर्ट नई लगत हे, ओ हा 31 दिसंबर तक अपन रिटर्न दाखिल कर सकत हे। उहचे टैक्सपेयर जेखर रिटर्न म आडिट रिपोर्ट लगाय ल पड़त हे, ओखर बर आईटी रिटर्न दाखिल करे के आखिरी तारिख 31 जनवरी 2021 तय करे गे हे।
बता देन कि एखर पहिले सरकार ह मई म वित्त वर्ष 2019020 बर आयकर (Income Tax) भरे के आखिरी तारिख ल बढ़ा के 30 नवंबर 2020 कर दे रिहिस। एखर आलावा कर विवाद के निपटान बर लाय गे विवाद ले विश्वास योजना के लाभ घलो बिना कोनो अतिरिक्त शुल्क के 31 दिसंबर 2020 तक बढ़ा दे रिहिस।
