जय जोहार…. सीएम (cm) भूपेश बघेल ह आज अपन भिलाई के निवास म वेबिनार ले आयोजित कार्यक्रम म रामरस पुस्तक के विमोचन करे हे। ए पुस्तक म स्वामी आत्मानंद के तरफ ल ओखर जीवन काल म रामकथा के अलग-अलग प्रसंग पर दे गे सुन्दर व्याख्यान ल संकलित करे गे हे।
स्वामी आत्मानंद के तरफ ले रामायण के चरित्र के सुन्दर व्याख्या कई स्रोत म बिखरे हे। जेला संकलित करे के कार्य डॉ. राजलक्ष्मी वर्मा ह करिन अऊ एला रामरस पुस्तक के स्वरूप दे हे।
ए अवसर म सीएम (cm) बघेल ह कहिन कि स्वामी आत्मानंद के ए अतुलनीय कार्य ल सहेजे जाना बड़ अकन महत्वपूर्ण कार्य हे। ये पुस्ततक सुधि पाठक मन बर उपयोगी होही। सीएम ह संकलन कार्य बर डॉ. राजलक्ष्मी वर्मा ल बधाई दिस अऊ शुभकामना व्यक्त करिन।
ए अवसर म सीएम (cm) बघेल के धर्मपत्नी मुक्तेश्वरी बघेल, संभागायुक्त टीसी महावर, आईजी विवेकानंद सिन्हा, कलेक्टर डॉ सर्वेश्वर नरेंद्र भुरे, एसपी प्रशांत ठाकुर समेत आन अतिथि अऊ अधिकारी ह उपस्थित रिहिन।
