Corona: प्रदेश म पिछिले 24 घंटा म मिले हे कोरोना के 2005 नवा मामला, राजधानी म घलो 185 पाजिटिव
जय जोहार…. छत्तीसगढ़ म पिछिले 24 घंटा म कोरोना (corona) के 2005 नवा मामला सामने आय हे। उहचे 275 संक्रमित मन ल अस्पताल अऊ 1597 ल होम आइसोलेशन ले डिस्चार्ज कर दे गे हे। जबकि इलाज के दौरान तीन लोगन मन के मौत हो गे हे।
गुरुवार के जेन कोरोना (corona) के नवा मरीज मिले हे, ओमा कोरबा ले 237, रायपुर ले 185, दुर्ग ले 127, राजनांदगांव ले 116, बालोद ले 84, बेमेतरा ले 57, कवर्धा ले 58, धमतरी ले 44, बलौदाबाजार ले 85, महासमुंद ले 76, गरियाबंद ले 39, बिलासपुर ले 131, रायगढ़ ले 125, जांजगीर ले 137, मुंगेली ले 44, सरगुजा ले 53, कोरियाब ले 36, सूरजपुर ले 26, जशपुर ले 31, बस्तर ले 40, कोंडागांव ले 64, दंतेवाड़ा ले 50, सुकमा ले 36, कांकेर ले 68, बीजापुर ले 25 नवा मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ़ के 1 लाख 83 हजार 588 पहुंच गे हे। जेमा ले 22 हजार 331 एक्टिव मामला हे। उहचे 1 लाख 59 हजार 268 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1989 लोगन मन के मौत हो गे हे।
