GST संग्रहण म वृद्धि के मामला म छत्तीसगढ़ अऊ आंध्रप्रदेश पहिला स्थान म

जय जोहार…. छत्तीसगढ़ राज्य म अक्टूबर 2019 के तुलना म अक्टूबर 2020 म जीएसटी (GST) संग्रहण म 26 प्रतिशत के बढ़ोत्तरी होय हे। देश के बड़े राज्य म जीएसटी संग्रहण म वृद्धि के मामला म छत्तीसगढ़ अऊ आंध्रप्रदेश ह संयुक्त रूप ले पहिला स्थान म हे।

केन्द्रीय वित्त मंत्रालय के तरफ ले जारी सूची के अनुसार प्रदेश म पिछिले वर्ष अक्टूबर म 1570 करोड़ रुपया के जीएसटी (GST) संग्रहण होय रिहिन। पिछिले साल के तुलना म ए साल अक्टूबर म 404 करोड़ रुपया जादा जीएसटी प्राप्त होय हे। चालू वित्तीय वर्ष 2020-21 के अक्टूबर महिना म राज्य म 1974 करोड़ रुपया के जीएसटी (GST) संग्रहित होय हे।

सीएम भूपेश बघेल के नेतृत्व म कोरोना संकट काल म घलो प्रदेश के अर्थव्यवस्था ल गतिशील बनाय रखे के ले गे दूरदर्शितापूर्ण निर्णय के सुखद परिणाम सामने आवत हे। किसान न्याय योजना ल प्रदेश के 19 लाख किसान मन ल नियमित अंतराल म धा बिक्री के राशि मिलत हे। उहचे राज्योत्सव के मऊका म एखर तीसर किस्त के रूप म 1500 करोड़ रुपया किसान मन के खाता म डाले गे हे।