जय जोहार…. प्रदेश म पिछिले 24 घंटा म कोरोना (corona) के 2262 नवा मरीज के पहचान होय हे। उहचे 1165 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 9 लोगन मन के मौत हो गे हे।
बुधवार के जेन कोरोना (corona) के नवा मरीज मिले हे, ओमा कोरबा ले 257, दुर्ग ले 252, जांजगीर-चांपा ले 238, रायगढ़ ले 206, रायपुर ले 156, राजनांदगांव ले 122, बेमेतरा ले 109, बिलासपुर ले 104, धमतरी ले 93, बलौदाबाजार ले 80, दंतेवाड़ा ले 68, कबीरधाम ले 59, बालोद ले 50 नवा मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ़ के 1 लाख 94 हजार 499 पहुंच गे हे। जेमा ले 22 हजार 773 एक्टिव मामला हे। उहचे 1 लाख 69 हजार 410 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 2316 लोगन मन के मौत हो गे हे।
