Corona: देश म पिछिले 24 घंटा म सामने आय हे 44 हजार ले जादा नवा मरीज, पढो पूरा खबर

जय जोहार…. देश म पिछिले 24 घंटा म कोरोना (Corona) के 44 हजार ले जादा नवा मामला के पहचान होय हे। उहचे 47962 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 520 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना के 44684 नवा मामला दर्ज करे गे हे। एला मिला के देश म कोरोना (Corona) संक्रमित मरीज मन के संख्या ह 87 लाख 83 हजार ले जादा पहुंच गे हे। जेमा ले 4 लाख 80 हजार 719 एक्टिव मामला हे।

उहचे 81 लाख 63 हजार 572 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 29 हजार 128 लोगन मन के मौत हो गे हे।