Corona: देश म बीते 24 घंटा म मिलिस 30 हजार ले जादा नवा मामला, 435 लोगन मन के हो गे मौत

जय जोहार…. देश म बीते 24 घंटा म कोरोना (corona) के 30 हजार ले जादा नवा मामला ह सामने आय हे। उहचे 43851 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 435 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 30548 नवा मरीज मिले हे। एला मिला के देश म कोरोना संक्रमण के मामला ह बाढ़ के 88 लाख 45 हजार 127 हो गे हे। जेमा ले 4 लाख 65 हजार 478 एक्टिव मामला हे।

उहचे 82 लाख 49 हजार 579 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 130070 लोगन मन के मौत हो गे हे।