जय जोहार….. देश म बाढ़ते कोरोना संक्रमण ल देखत हुये पीएम (pm) नरेंद्र मोदी ह 24 नवंबर के बिहनिया 10.30 बजे छत्तीसगढ़ के संग हरियाणा, दिल्ली, गुजरात, महाराष्ट्र, राजस्थान, पश्चिम बंगाल अऊ केरल के मुख्यमंत्री मन के संग वीडियो कांफ्रेंसिंग ले चर्चा करही। एखर बाद दोपहर 12 बजे प्रधानमंत्री (pm) मोदी ह सबो प्रदेश अऊ केंद्र शासित क्षेत्र के मुख्यमंत्री, लेफ्टिनेंट गवर्नर अऊ प्रशासक ले कोविड 19 वैक्सीन के डिलवरी ल ले के चर्चा करही।
दिल्ली म कोरोना के बाढ़ते मामला के बीच जिहां निजी अस्पताल म कोरोना मरीज मन बर बेड के संख्या ल बढ़ाय गे हे, उहचे कर्नाटक ले अतिरिक्त बेड मंगाए गे हे। उहचे कोरोना के बाढ़ते मामला ल देख गुजरात, राजस्थान अऊ मध्यप्रदेश के कई शहर म नाइट कर्फ्यू लगा दे गे हे। गुजरात के राजकोट अऊ सूरत म रात 9 बजे ले बिहनिया 6 बजे तक कर्फ्यू लागू करे गे हे।
