JEE Main Exam 2021: जनवरी म नई होही जेईई मेन परीक्षा, आघू बाढ़ सकत हे तारिख

जय जोहार…. (JEE Main Exam 2021) आईआईटी, एनआईटी समेत देश के सबो इंजीनियरिंग कालेज म दाखिला भर होवइया जेईई मेन जनवरी 2021 के परीक्षा ह तय समय म नई हो सकही। बता देन कि कोविड-19 अऊ सीबीएसई 12वीं कक्षा के डेटशीट जारी नई होय के सती जेईई मेन जनवरी 2021 के परीक्षा म देर होही।

जेईई मेन 2021 (JEE Main Exam 2021) के जनवरी के परीक्षा ल फरवरी महिना म होय के आशंका जताय जावत हे। सरकार के वरिष्ठ अधिकारी के मुताबिक नेशल टेस्टिंग एंजेसी (एनटीए) ह जेईई मेन के परीक्षा ल साल म दू बार जनवरी अऊ अप्रैल महिना म करवात हे। नवंबर महिना बीत जाय के बाद घलो जेईई मेन 2021 जनवरी परीक्षा ल लेके अभी तक कोनो घोसना नई करे हे।

एनटीए ह जेईई मेन परीक्षा (JEE Main Exam 2021) के शेडयूल जारी करे बर सीबीएसई बोर्ड के 12वीं कक्षा के डेटशीट के इंतजार करत रिहिस। देश के जादातर राज्य म कोविड-19 मामला म सरलघा बढ़ोतरी के सती सीबीएसई बोर्ड ह बोर्ड परीक्षा अऊ एनटीएके जेईई मेन जनवरी के शेडयूल जारी नई करे हे।