Jagdalpur: ब्याज म रकम उधार देवइया सूदखोर ल पुलिस ह करिन गिरफ्तार, 14 चेक होईस बरामद

जय जोहार…. (Jagdalpur) जगदलपुर म अनाधिकृत रूप ले ब्याज म रकम उधार देवइया सूदखोर ल कोतवाली पुलिस ह गिरफ्तार कर ले हे। सूदखोर करा ले पुलिस ह 14 चेक बरामद करे हे।

मिले जानकारी के मुताबिक (Jagdalpur) कोतवाली पुलिस ल सूचना मिले रिहिन कि सर्किट हाउस रोड के रहवइया एक व्यक्ति ह लोगन मन ले अनाधिकृत रूप ले 10 प्रतिशत ब्याज म उधारी के पैसा देवत हे। जेखर एवज म लेनदार ले अलग-अलग बैंक के खाली चेक लेनदार ले हस्ताक्षर करा के रख लेवत हे अऊ मूल राशि ले 10 प्रतिशत ब्याज लगा के राशि आहरित करे जावत हे।

(Jagdalpur) ए संबंध म आवेदक विनय मंडल के रिपोर्ट म पुलिस ह सूदखोर के विरुद्ध धारा 384 अऊ ऋणी के संरक्षण अधिनियम धारा 4 के तहत प्रकरण पंजीबद्ध कर मामले को विवेचना में लिया। मामला म वरिष्ठ पुलिस अधीक्षक दीपक झा, अतिरिक्त पुलिस अधीक्षक ओमप्रकाश शर्मा के मार्गदर्शन अऊ नगर पुलिस अधीक्षक हेमसागर सिदार के पर्यवेक्षण म अनुसंधान करे गिस।

विवेचना के दौरान आरोपी सूदखोर के कब्जा ले अलग-अलग बैंक एसबीआई, इलाहाबाद, एक्सीस बैंक, बैंक ऑफ बड़ौदा, सेंट्रल बैंक ऑफ इंडिया, यूनियन बैंक समेत आन बैंक के 14 चेक बरामद करिन, जेमा 4 खाली चेक अऊ 10 चेक राशि लिखित 5 लाख 7 हजार के चेक शामिल हे। मामला म पुलिस के पूछताछ म आरोपी सूदखोर ह 10 प्रतिशत ब्याज म उधार रूपया देना स्वीकार करिन। पुलिस ह आरोपी सूदखोर ल गिरफ्तार कर ले हे।