डॉ रमन ह कल करही ‘मोबाइल तिहार’ के आगाज

रायपुर। छत्तीसगढ़ के राजधानी म 30 जुलाई यानी काली होवइया समारोह म मुख्यमंत्री रमन सिंह रायपुर जिला के महिला मन अउ कॉलेज मन के विद्यारथी मन ल नि:सुल्क स्मार्ट फोन बांट के प्रदेसव्यापी अभियान ‘मोबाइल तिहार’ सुरू करही। ये कारयक्रम म बॉलीवुड के फिलिम अभिनेत्री कंगना रनौत घलो कारयक्रम म मवजूद रहही।
समारोह ह बूढ़ा तालाब (विवेकानंद सरोवर) के आघू इनडोर स्टेडियम म बिहनिया 11 बजे सुरू होही। कलेक्टर ओ.पी. चौधरी ह शनिवार के कलेक्टोरेट परिसर स्थित रेडक्रॉस भवन म जिला के विभिन्न कॉलेज मन के प्राचार्य अउ प्रसासन के अधिकारी मन के बइठक लेके उमन जरूरी निरदेश दिस।
उमन ह बताइस के विसेस आयोजन मोबाइल तिहार म रायपुर के लोकसभा सांसद रमेश बैस, प्रदेस के कृषि और जल संसाधन मंत्री बृजमोहन अग्रवाल, नगरीय प्रशासन अउ विकास मंत्री अमर अग्रवाल, लोक निरमान, आवास और परयावरन मंत्री राजेश मूणत, खाद्य, नागरिक आपूर्ति अउ उपभोक्ता संरक्षण मंत्री पुन्नू लाल मोहले, पाठ्य पुस्तक निगम के अध्यक्ष अउ विधायक धरसींवा देवजी भाई पटेल, रायपुर नगर पालिक निगम के महापउर प्रमोद दुबे, विधायक रायपुर ग्रामीन सत्यनारायण शर्मा, अभनपुर विधायक धनेंद्र साहू, विधायक रायपुर (उत्तर) श्रीचंद सुंदरानी, आरंग विधायक नवीन मीरकण्डे समेत अध्यक्छ जिला पंचायत रायपुर शारदा देवी वर्मा विसेस अतिथि के रूप म उपस्थित रहही।
कलेक्टर ह बताइन के बॉलीवुड के फिल्म अभिनेत्री कंगना रनौत घलो कारयक्रम म मवजूद रहही। चौधरी ह रायपुर जिला के सबो शासकीय एवं निजी विश्वविद्यालय तथा महाविद्यालय मन के संचार क्रांति योजना के बेवसाइट म पात्र छात्र मन के जानकारी 31 जुलाई तक अनिवारय रूप ले दरज करे के निरदेश देय हे।
कारयक्रम म प्रवेस पास के आधार म ही होही अउ सीट मन के उपलब्धता ‘ पहिली आओ पहिली पाओ’ के आधार म होही। कारयक्रम म महाविद्यालय मन अउ विश्वविद्यालय मन के दल मन के सांस्कृतिक कारयक्रम अउ ओपन क्विज प्रतियोगिता घलो होही।