Chhollywood: जल्दी रिलीज होवइया हे नवा छत्तीसगढ़ी फिलिम डार्लिंग प्यार झुकता नहीं, कामेडी करत नजर आही प्रदीप शर्मा

जय जोहार…. (Chhollywood) फिलिम निर्देशक प्रणव झा के अवइया फिलिम डार्लिंग प्यार झुकता नहीं के शूटिंग ह सुरू हो गे हे। राजधानी रायपुर के कलिंगा विश्वविद्यालय म ए फिलिम ह शूट होय हे। निर्देशक प्रणव झा ह अब तक छत्तीसगढ़ म हिट फिलिम दे हे, जेमा बीए फर्स्ट ईअर, सेकंड ईअर अऊ बेनाम बादशाह शामिल हे।

ए बार निर्देशक प्रणव झा ह बड़े स्तर म फिलिम के तैयारी म हे। (Chhollywood) वो हा डीओपी तोरण राजपूत ल बनाए हे, जेखर नाम के सिक्का ह छालीवुड म चलत हे अऊ कामेडी म प्रदीप शर्मा ल प्रस्तुत करइया हे।

बता देन कि (Chhollywood) निर्देशक प्रणव झा के ए फिलिम के गाना जेन कलिंगा विश्वविद्यालय म शूट होय हे, ओला कोरियोग्राफ चंदन दीप ह करे हे। ए फिलिम म मुख्य भूमिका म सुपर स्टार मन कुरैशी अऊ अनिकृति चौहान ह नजर आही।