Chhattisgarh: सीएम ह आज अऊ काली कोरबा जिला म करही अलग-अलग विकास कार्य के भूमिपूजन अऊ लोकार्पण
जय जोहार…. (chhattisgarh) सीएम भूपेश बघेल सोमवार अऊ मंगलवार के कोरबा जिलावासी मन ल 836 करोड़ ले जादा के 883 विकास कार्य के सौगात देही।
ए दौरान सीएम बघेल ह 776 करोड़ रूपया ले जादा के 159 विकास कार्य के भूमिपूजन अऊ लगभग 61.5 करोड़ रुपया के 38 विकास कार्य के लोकार्पण करही। ए दौरान सीएम ह अलग-अलग योजना के अंतर्गत 686 लाभान्वित हितग्राही मन ल लगभग 7.5 करोड़ रुपया के सामग्री के घलो वितरण करही।
(chhattisgarh) सीएम बघेल ह 199 करोड़ रुपया के लागत ले बनइया हरदीबाजार-तरदा-सर्वमंगला-इमलीछापर 27.19 किलोमीटर कांक्र्रीट सड़क, 204 करोड़ के लागत ले बनइया 64 किलोमीटर के कटघोरा-हरदीबाजार-बलौदा-अकलतरा इंडस्ट्रीयल कॉरीडोर केभू मिपूजन, 30 करोड़ के लागत ले 22 किलोमीटर चोटिया-चिरमिरी सड़क उन्नयन अऊ नवीनीकरण, मुढ़ाली-कटसीरा-सेमरा-मुनगाडीह-जरवे अऊ लेमरू म 5.70 करोड़ के लागत ले बनइया 6 हाईस्कूल भवन के भूमिपूजन करही।
(chhattisgarh) संगेसंग 17.67 करोड़ के लागत ले 29 किलोमीटर कोटमी-पसान-कटघोरा सड़क उन्नयन अऊ नवीनीकरण, बंजारी म 10.06 करोड़ के लागत ले बनइया आदर्श आवासीय महाविद्यालय भवन, झोरा-कोड़ियाघाट के बीच हसदेव नदी म 19.15 करोड़ के लागत ले बनइया पुल, घिनारा-परसाखोला अऊ पुटवा तीन व्यपवर्तन अऊ कछुआ अऊ हरदी एनीकट 18.24 करोड़ के निर्माण कार्य के घलो भूमिपूजन करही।
