Corona: देश म बीते 24 घंटा म सामने आय हे 12 हजार ले जादा नवा मरीज, पढ़व

जय जोहार…. (Corona) देश म बीते 24 घंटा म कोरोना के 12 हजार ले जादा नवा मामला के पहचान होय हे। उहचे 12464 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 91 संक्रमित के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 12286 नवा मरीज मिले हे, एला मिला के कोरोना संक्रमण के मामला ह बाढ़ के 1 करोड़ 11 लाख 24 हजार 527 हो गे हे। जेमा ले 1 लाख 68 हजार 358 एक्टिव मामला हे।

उहचे 1 करोड़ 07 लाख 98 हजार 721 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 57 हजार 248 मरीज मन के मौत हो गे हे।