Corona: देश म पिछिले 24 घंटा म सामने आय हे 17 हजार नवा मरीज, पढ़व
जय जोहार…. देश (Corona) म पिछिले 24 घंटा म कोरोना के 17 हजार ले जादा नवा मरीज के पहचान होय हे। उहचे 14031 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 89 संक्रमित मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना के 17407 नवा मरीज मिले हे। एला मिला के देश म कोरोना संक्रमित मन के संख्या ह 1 करोड़ 11 लाख 26 हजार 075 पहुंच गे हे। जेमा ले 1 लाख 73 हजार 413 एक्टिव मामला हे।
उहचे 1 करोड़ 07 लाख 39 हजार 516 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 57 हजार 413 संक्रमित मन के मौत हो गे हे।
