Corona: देश म बीते 24 घंटा म होय हे 26291 नवा मरीज के पहचान, पढ़व

जय जोहार…. (Corona) देश म पिछिले 24 घंटा म कोरोना के 26 हजार ले जादा नवा मामला दर्ज करे गे हे। उहचे 17455 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 118 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 26291 नवा मरीज मिले हे। एला मिला के देश म कोरोना संक्रमण के मामला ह 1 करोड़ 13 लाख 85 हजार 339 हो गे हे। जेमा ले 2 लाख 19 हजार 262 एक्टिव मामला हे।

उहचे 1 करोड़ 10 लाख 07 हजार 351 मरीज मन ह कोरोना (Corona) ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 58 हजार 725 संक्रमित के मौत हो गे हे।