Corona: प्रदेश म पिछिले 24 घंटा म सामने आय हे 475 नवा मामला, रायपुर म घलो 133 पाजिटिव
जय जोहार…. (Corona) प्रदेश म पिछिले 24 घंटा म कोरोना के 475 नवा मामला के पहचान होय हे। उहचे 129 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 4 मरीज के मौत हो गे हे।
बीते 24 घंटा म कोरोना (Corona) के जेन नवा मामला मिले हे, ओमा दुर्ग ले 135, रायपुर ले 133, बिलासपुर ले 69, सूरजपुर ले 20, सरगुजा ले 17, जशपुर अऊ कोरबा ले 13-13, राजनांदगांव ले 11, बलौदाबाजार, कोरिया अऊ बस्तर ले 8-8, रायगढ़ ले 7, बालोद अऊ जांजगीर-चांपा ले 5-5, धमतरी अऊ महासमुंद ले 4-4, बेमेतरा, बलरामपुर, कांकेर अऊ कबीरधाम ले 3-3, मुंगेली, दंतेवाड़ा अऊ बीजापुर ले 1-1 मरीज सामिल हे।
बता देन कि प्रदेश म कोरोना संक्रमण के मामला ह 3 लाख 17 हजार 329 हो गे हे। जेमा ले 4006 एक्टिव मामला हे। उहचे 3 लाख 09 हजार 433 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3890 संक्रमित के मौत हो गे हे।
