Raipur: ट्रांसपोर्टर मन के हड़ताल ल लेके परिवहन मंत्री अकबर ह आज लेही बइठक, पढ़व पूरा खबर

जय जोहार…. (Raipur) ट्रांसपोर्टर मन के हड़ताल के मामला ल लेके परिवहन मंत्री मोहम्मद अकबर ह आज बइठक लेही। ए बइठक ल परिवहन मंत्री अकबर ह दोपहर 4 बजे बुलाये हे।

डीजल-पेट्रोल के दाम ल लेके भाड़ा बढ़ाय के मांग ल ट्रांसपोर्टर ह करत हे। (Raipur) ए मामला ल प्रदेश सरकार ह गंभीरता ले ले हे। ट्रांसपोर्टर मन के हड़ताल सती पिछिले करीब एक पखवाड़ा म सीमेंट के दाम ह दुगुना के करीब बढोतरी हो गे हे।

(Raipur) परिवहन मंत्री अकबर के बुलाये बइठक म सबो सीमेंट कंपनी के यूनिट प्रमुख, ट्रांसपोर्टर, एसोसिएशन, सीमेंट डीलर्स एसोसिएशन के पदाधिकारी ह सामिल होही।