chhattisgarh: सीएम भूपेश बघेल ह करही 21 मार्च के गोधन न्याय योजना के 15वां अऊ 16वां किस्त के भुगतान
जय जोहार…. (chhattisgarh) सीएम भूपेश बघेल ह 21 मार्च के गोधन न्याय योजना के 15वां अऊ 16वां किस्त के भुगतान करही। एमा 15वां किस्त के रूप म 3 करोड़ 75 लाख अऊ 16 वां किस्त के रूप म 3 करोड़ 80 लाख रुपए के भुगतान सामिल हे। ए राशि ल मिला के गोधन न्याय योजना के हितग्राही ल 21 मार्च तक भुगतान के राशि ह 88 करोड़ रुपया हो जाही।
बता देन कि 20 जुलाई 2020 के (chhattisgarh) छत्तीसगढ़ सरकार ह पुशपालक मन ल अतिरिक्त आमदनी के जरिया उपलब्ध कराये बर 2 रुपया प्रति किलो के दर म गोबर के खरीदी बर गोधन न्याय योजना के सुरुआत करे हे। ए योजना म गोबर विक्रय के राशि के पाक्षिक भुगतान करे जावत हे।
पशुपालक मन ले खरीजे जवइया गोबर ले गौठान म महिला स्व सहायता समूह के तरफ ले वर्मी कम्पोस्ट तैयार करे जावत हे। (chhattisgarh) गौठान म 15 मार्च तक 1 लाख 18 हजार 611 वर्मी कम्पोस्ट के उत्पादन करे जावत हे। जेमा ले 83 हजार 900 क्विंटल वर्मी कम्पोस्टर के विक्रय घलो करे जा चुके हे। गोधन न्याय योजना ले प्रदेश के 1 लाख 62 हजार 497 पशुपालक ह लाभान्वित होवत हे।
