Chhattisgarh: सीएम भूपेश बघेल ह किसान मन ल देइन हे न्याय योजना के चौथा किस्त, खाता म ट्रांसफर करिन 1104 करोड़ रुपया, पढ़व

जय जोहार…. (Chhattisgarh) सीएम भूपेश बघेल ह आज रविवार के राजीव गांधी न्याय योजना अऊ गोधन न्याय योजना के हितग्राही मन ल राशि के वितरण करिन। सीएम बघेल ह राज्य के 18 लाख 43 हजार किसान मन के खाता म राजीव गांधी किसान न्याय योजना के चौथा किस्त एक हजार 104 करोड़ 27 लाख रुपया के राशि ट्रांसफर करिन। संगेसंग गोधन न्याय योजना के 15वां किस्त के रूप म 7 करोड़ 55 लाख रुपया अऊ 16वां किस्त के रूप म 3 करोड़ 80 लाख रुपए पशुपालक मन के खाता म अंतरित करे हे।

ज्ञात हो कि (Chhattisgarh) राजीव गांधी किसान न्याय योजना के तहत किसान मन ल तीन किस्त म 4500 करोड़ रुपया के भुगतान करे जा चुके हे। अइसने प्रमाणित बीज उत्पादक 4777 किसान मन ल तीन किस्त म 23 करोड़ 63 लाख, गन्ना उत्पादक 34292 किसान मन ल अतिरिक्त प्रोत्साहन अऊ आदान सहायता के रूप म 74 करोड़ 24 लाख रुपया के भुगतान करे जा चुके हे।

(Chhattisgarh) सीएम निवास कार्यालाय म आयोजित ए कार्यक्रम म गृहमंत्री ताम्रध्वज साहू, कृषि मंत्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम, वन मंत्री मोहम्मद अकबर, उद्योग मंत्री कवासी लखमा, नगरीय प्रशासन अऊ विकास मंत्री डॉ. शिवकुमार डहरिया, महिला अऊ बाल विकास मंत्री श्रीमती अनिला भेंडि़या, लोक स्वास्थ्य यांत्रिकी मंत्री गुरू रूद्रकुमार, राजस्व मंत्री जयसिंह अग्रवाल, और उच्च शिक्षा मंत्री उमेश पटेल, संसदीय सचिव शिशुपाल सोरी अऊ सुश्री शकुन्तला साहू उपस्थित रिहिन।