जय जोहार…. (Corona) प्रदेश म कोरोना संक्रमण का मामला थमे के नाम नई लेवत हे। बीते 24 घंटा म कोरोना के 1910 नवा मरीज के पहचान होय हे। उहचे 460 संक्रमित मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे हे हे। जबकि इलाज के दौरान 20 मरीज मन के मौत हो गे हे।
पिछिले 24 घंटा म जेन कोरोना (Corona) के नवा मरीज मिले हे, ओमा दुर्ग ले 691, रायपुर ले 501, बिलासपुर ले 117, राजनांदगांव ले 98, बेमेतरा ले 70, धमतरी ले 42, कोरबा ले 40, जशपुर अऊ सूरजपुर ले 36-36, सरगुजा ले 35, बलौदाबाजार ले 31, महासमुंद ले 30, रायगढ़ ले 28, कोरिया ले 27, बालोद ले 21, जांजगीर-चांपा ले 19, कबीरधाम ले 18, बस्तर ले 17, गरियाबंद ले 14 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 27 हजार 588 हो गे हे। जेमा ले 10491 एक्टिव मामला हे। उहचे 3 लाख 13 हजार 115 मरीज मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3982 संक्रमित के मौत हो गे हे।
