chhattisgarh: रेडियो म आज प्रसारित होही हमर ग्रामसभा, पंचायत मंत्री सिंहदेव देही श्रोता मन के सवाल के जवाब
जय जोहार…. (chhattisgarh) रेडियो म रविवार के हमर ग्रामसभा के प्रसारण होही। पंचायत अउ ग्रामीण विकास मंत्री टीएस सिंहदेव ह शाम 7.30 बजे ले 8 बजे तक प्रसारित होवइया ए कार्यक्रम म वाट्सएप के माध्यम ले श्रोता मन के सवाल के जवाब देही।
(chhattisgarh) पंचायत मंत्री सिंहदेव ह कार्यक्रम म राज्य शासन के नीति, योजना अउ कार्यक्रम के बारे म श्रोता मन के जिज्ञासा के समाधान घलो करही। कार्यक्रम ल मीडियम वेब 981 किलो हर्ट्ज म सुने जा सकत हे। प्रदेश म आकाशवाणी के सबो केंद्र ह एक संग ए कार्यक्रम ल प्रसारित करही।
राज्य शासन के पंचायत-ग्रामीण विकास विभाग अउ ठाकुर प्यारेलाल राज्य पंचायत-ग्रामीण विकास संस्थान निमोरा के तरफ ले साप्ताहिक रेडियो कार्यक्रम हमर ग्रामसभा के निर्माण करे जावत हे। (chhattisgarh) एला आकाशवाणी रायपुर के तरफ ले हरेक रविवार के शाम 7.30 बजे ले 8 बजे तक प्रसारित करे जावत हे। रविवार के एखर 35वां कड़ी के प्रसारण होही।
