Corona: कांग्रेस नेता दिग्विजय सिंह अउ कांग्रेस प्रवक्ता रणदीप सुरजेवाला ल कोरोना, ट्वीट कर दे हे जानकारी

जय जोहार…. मध्यप्रदेश के पूर्व मुख्यमंत्री दिग्विजय सिंह अउ कांग्रेस के राष्ट्रीय प्रवक्ता रणदीप सुरजेवाला ह कोरोना (Corona) के चपेट म आ गे हे। दुनो नेता ह अलग-अलग ट्वीट कर ए जानकारी ल दे हे।

पूर्व मुख्यमंत्री दिग्विजय सिंह ह अपन ट्वीट म लिखे हे कि मोर (Corona) कोविड जांच रिपोर्ट ह पाजिटिव आय हे। मेहा अपन दिल्ली निवास म क्वारंटीन म हों। कृपया ए दौरान मोर संपर्क म आय सबो मनखे मन स्वयं ल आइसोलेशन म रख के अपन सेहत ले संबंधित सतर्कता बरते।

उहचे कांग्रेस के राष्ट्रीय प्रवक्ता रणदीप सुरजेवाला ह ट्वीट कर लिखे हे कि मेहा (Corona) कोरोना पाजिटिव हो गे हे। वो हा अपन संपर्क म आय मनखे मन ले कोरोना टेस्ट कराए के अपील करे हे। कांग्रेस प्रवक्ता ह फिलहाल होम आइसोलेशन म हे अउ ओखर हालत स्थिर हे।