Corona: छत्तीसगढ़ म बीते 24 घंटा म मिले हे 14912 नवा मामला, रायपुर म घलो 3813 पाजिटिव
जय जोहार…. छत्तीसगढ़ म कोरोना (Corona) संक्रमण के मामला ह थमे क नाव नई लेवत हे। प्रदेश म बीते 24 घंटा म कोरोना के 14912 नवा मरीज के पहचान होय हे। उहचे 11807 मरीज मन ल बने होय के बाद अस्पताल छुट्टी दे दे गे हे। जबकि उपचार के दौरान 138 संक्रमित के जान चले गे हे।
पिछिले 24 घंटा म जेन कोरोना (Corona) के नवा मरीज मिले हे, ओमा रायपुर ले 3813, दुर्ग ले 1995, राजनांदगांव ले 1069, बेमेतरा ले 374, कबीरधाम ले 380, धमतरी ले 302, बलौदाबाजार ले 733, महासमुंद ले 344, गरियाबंद ले 467, बिलासपुर ले 1189, रायगढ़ ले 545, कोरबा ले 730, जांजगीर-चांपा ले 570, मुंगेली ले 364, गौरेला-पेंड्रा-मरवाही ले 166, सरगुजा ले 271, कोरिया ले 277, सूरजपुर ले 293, बलरामपुर ले 134, जशपुर ले 280, बस्तर ले 134, कोंडागांव ले 73, दंतेवाड़ा ले 57, सुकमा ले 7, कांकेर ले 140, नारायणपुर ले 13, बीजापुर ले 16 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 5 लाख 16 हजार 412 हो गे हे। जेमा ले 1 लाख 24 हजार 303 एक्टिव मामला हे। उहचे 3 लाख 86 हजार 529 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 5580 मरीज के मौत हो गे हे।
