Chhattisgarh Government ह लीन हे बड़का निर्णय, फिलिम उद्योग ल बढ़ावा दे बर करिन सिंगल डेशबोर्ड के सुविधा ल सुरू
जय जोहार…. छत्तीसगढ़ राज्य (Chhattisgarh Government) म फिलिम निर्माण उद्योग ल प्रोत्साहित करे के उद्देश्य ले राज्य सरकार ह बड़का निर्णय ले हे। अब फिलिम निर्माण ले संबंधित अनापत्ति प्रमाण पत्र जारी करे बर सबो जिला कलेक्टर मन ल अधिकृत कर दे हे। संगेसंग समय सीमा म अनापत्ति प्रमाण पत्र जारी हो, एखर बर एला लोक सेवा गारंटी अधिनिम म सामिल करत हुये प्रमाण पत्र जारी करे बर 30 दिन के समय सीमा घलो निर्धारित कर गे हे।
उल्लेखनीय हे कि (Chhattisgarh Government) प्रदेश के संस्कृति मंत्री अमरजीत भगत के पहल म सीएम भूपेश बघेल ह संस्कृति विभाग ल ए संबंध म आवश्यक कार्यवाही के निर्देश दे रिहिन। जेखर तारतम्य म संस्कृति विभाग के तरफ ले प्रदेश म फिल्मांकन बर अनापत्ति प्रमाण पत्र बर पंजीयन, नवीनीकरण बर सिंगल डेशबोर्ड के सुविधा ल सुरु करे गे हे। ए आशय के आदेश अउ अधिसूचना ल संस्कृति विभाग मंत्राल महानदी भवन नवा रायपुर ले जारी कर दे गे हे।
(Chhattisgarh Government) ए आदेश अउ अधिसूचना के तहत फिलिम शूटिंग बर मुफ्त अनापत्ति प्रमाण पत्र जाीर करे ल जिला के कलेक्टर ल अधिकृत करे गे हे। संगेसंग ए सेवा के सुचारू क्रियान्वयन बर संभागायुक्त ल सक्षम अधिकारी अउ संचालक संस्कृति ल अपीलीय अधिकारी बनाये गे हे।
