corona ले कांग्रेस नेता दीपक कर्मा के हो गे निधन, अस्पताल म चलत रिहिस इलाज
जय जोहार…. कोरोना (corona) संक्रमण ले जुड़े बड़का खबर सामने आवत हे। कोरोना ले कांग्रेस नेता दीपक कर्मा के निधन हो गे। बस्तर टाइगर महेंद्र कर्मा के बेटा दीपक कर्मा पिछिले कई दिन ले कोरोना ले पीड़ित रिहिन।
आज तड़के करीब 3 बजे वो हा अंतिम सांस ले हे। (corona) तीन दिन पहिले ओ मन ल उपचार बर रायपुर के निजी अस्पताल म शिफ्ट करे गे रिहिन। निजी अस्पताल म ओला वेंटिलेटर सपोर्ट म रखे गे रिहिन।
विधायक देवती कर्मा के बेटा दीपक कर्मा के पहिले जगदलपुर के अस्पताल म इलाज चलत रिहिन, लेकिन ओखर स्थिति ह गंभीर होवत चलत गिस। (corona) जेखर बाद ओ मन ल एयर एंबुलेंस ले जगदलपुर ले रायपुर शिफ्ट करे गे रिहिन।
